عادي جدا لمن ١٥٠ مليون هندوسي يحجون مشيا لنهر الغانج المقدس ويسمى تجمعهم الديني هذا (بكل مصاريف الامن والطعام والشراب والسكن واستنفار قوى الامن و الدفاع ) #بالكرنفال_العالمي
بس لمن ٢٠ مليون مسلم شيعي يذهبون لزيارة الامام الحسين عليه السلام هنا المثقف يشغل عقليته الاقتصادية والاجتماعية والمالية بس علمود ينتقص من هاي الحشود المؤمنة
عادي جداً لمن يتم هدر ١٠٠ طن طماطم في مهرجان قذف الطماطم في اسبانيا او هدر مئات اطنان البرتقال في ايطاليا في مهرجان البرتقال وينظر لهذه الافعال بعنوان #المهرجان_القومي
بس لمن في أيام عاشوراء وايام الاربعين تنصب موائد الحسين عليه السلام حتى ياكل منها الجوعان والشبعان ، المسلم وغير المسلم
يصير الحسين (ع) مو بس قيمة وهذا تبذير
عادي جدا لمن في أحد الشعانين تطلع مواكب الاحبة المسيحيين الراجلة وهم يصلون ويحملون السعف وتنقطع الشوارع والفروع لاجل هذا الحدث الديني وينظر له بعنوان #حرية_عبادة_محترمة
بس لمن يصير قطع شارع لفترة قصيرة بسبب موكب حسيني في ليالي معدودة ويحدث غالبا بسبب عدم تنظيم الحكومة المحلية لهيج تجمعات (وهو واجبها) راح تسمع انواع مستحدثة من الانتقادات والشتائم في بعض الاحيان
عادي جدا في عيد سوكوت (المظال) اليهودي لمن العوائل تطلع للبرية وتنصب خيم وتكعد وينظر لهذا الفعل على انه #عادات_الشعوب
بس خيم المواكب والتكيات كون نجمع فلوسها ونتبرع بيها للفقراء
عادي جدا لمن المثليين يطلعون بمسيرات حول العالم بس لاجل يدكون ويركصون ويعبرون عن ميولهم الجنسية المنحرفة والدول تنزل الدفاع والداخلية والمرور لحمايتهم وتنظيم تجمعاتهم الكبيرة وينظر اليه على انه #واجب_جيش_وشرطة_كل_بلد
بس لمن جيش وشرطة العراق يطلعون لحماية التجمعات الدينية في فترة المحرم وصفر راح يصرخ المثقف هاي استنزاف لقوى الامن الداخلي والدفاع
عندي في قلبي الف (عادي جدا لمن) والف (بس لمن)
بس اخاف المنشور يصير بكد حجم مختصر البحار وتدوخون وادوخ وياكم
صدكوني خطوة بسيطة تحل كل المشكلة
افتح عينك الثانية لمن تباوع علينا
وكلشي راح يكون واضح وحلو وبسيط
احنه اهلك وناسك واخوتك
اللي نحبك
وبذلنا الدم لاجلك ومستعدين نبذل الباقي
اللي كل مواكبنا صارت بخدمتك لمن نزحت واتهجرت
اللي حسينياتنا تركنا الصلاة بيها علمود تنام بيها انت واهلك
اللي نطلع الخمس من عرق جبينا علمود يتحول مواد اغاثية جاهزة لكل محتاج ولكل جائع ولكل متضرر ومنكوب
اللي كل واحد من هذول اللي يلطمون عنده ابن شهيد او اخ او صديق راح عمره مثل الحلم لاجل هذا البلد
اللي ولا مرة تجمعنا لطمنا او بجينا او مشينا الا صلينا وكلنا يا رب اجعل هذا البلد امنا
صدكني احنه نحبك وما جاي نسوي شي غير اننا نمارس حرياتنا الدينية اللي انت تدعوا الها بقيمك المدنية والعلمانية
واذا صار غلط ساهم ويانه في دفع الحكومة ان تقوم بواجبها باصلاحه بدل توجيه التهمه لعشرات الملايين من المؤمنين
والسلام
#هنا_الحقيقة
منقول
ليست هناك تعليقات:
إرسال تعليق