الثمانينات (العصر الذهبي)

#الثمانينات كما يسمونه تشدقا بالعصر الذهبي

لو كنت شابا في الثمانينات كنت حتماً ستتعرض لها لا محالة :

1. شهيد حرب او معدوم (شهيد ) سياسي

2ّ .  اسير حرب او سجين سياسي

3. مفقود حرب او مفقود  سياسي

4. معوق مبتور الأطراف  او جريح حرب .

5. جندي مكلف و نايم بموضع محفر بالحر والبرد وتراب وتحت رحمة المدفع النمساوي.. 

6.ينطوك امر هجوم وبيدك بندقية وبيها #شاجورين 🔫وتعرف انت بعد مترجع لان كدامك دبابات 

7. انت من #الجنوب واسمك علي وعباس وعبد الزهرة وحسين نقل بالساتر المتقدم انت من تكريت واسمك يزيد معاوية سفيان سطم سطام ريكان وعثمان وعمر انت مكانك بالمقرات بغداد لو بالخلفيات لم تسمع طلقة ..هاي التفرقة  زرعها الهدام مع احترامنا لأخوتنا لكن هو من بدأ بها .. 

8.القيادة مخلية وراك فرق اعدامات لان انت خائن مجوسي صفوي عجمي شيعي حتى لو انت تحارب ايران ومخلي صورة صدام بيتك ...

9.الحرب ست اشهر وتطلع ثمن سنين الا شهر ونص تاكل كل عمرك ويموت بيها اما انت او  اصدقاءك واقاربك وجيرانك 

10.#جثتك تبقة بأرض الحرام تتفسخ وتضل لحد 2018 ويطلعون القلادة يلكوك رفات واهلك ميدرون بيك .. 

11. اسمك طالب شارد من العسكرية حتى ما يسحبوك للموت ورى متتخرج حتى لو طبيب او مهندس ويسحلوك للجبهة من #الياخة .

12.مبطل من الدراسة ومنتظر يسوقوك للجيش غصبا عنك وعن اهلك .

13.  هارب فرار والحزب يلاحقك ويداهم بيت اهلك كل 72 ساعة ليلا وفجرا وظهرا ليعتقلك

واذا اعتقلوك يعدموك بالملعب الأولمبي والناس تصفك غصبا عنها ورى ما يتم تصفيتك .. 

14.متخلف عن الالتحاق وخاتل بيت بيبيتك متطلع 24 ساعة .

15. ياخذوك قاطع جيش شعبي وتتأسر بالفاو.

16 يستدعوك احتياط وانت متسرح للتو 

17. تطلع للسعودية تجاوز تشتغل راعي صخول وغنم وبعران .

18.تنزل مجاز تلزمك 50'سيطرة تنزلك وتحقق وياك احتمال مزور وهارب .. حتى يعتقلوك .

19. منتظر تخدم 8 سنوات يالله تتسرح .

 

20. بالتسريح صدام يچيت على الكويت ويمددون خدمتك  .

21. يكتب عليك حزبي تقرير انت سبيت السيد الرئيس القائد همسا ويعتقلوك بالامن .

22.  ياخذوك تشتغل سخرة مجهود حربي ومينطوك فلوس💶 .

23. يفرغوك من وظيفتك وعدل وكبل للجبهة المحترقة ويستلم مكانك واحد #كدع مصري ويكلولك اذا تحجي وياه كانك متجاوز على صدام 

24.يصير #هجوم بالقاطع مالتك اهلك امك وابوك اخوك  ميعرفون بيك ميت عدل متصوب يسافرون وراك للحدود ينتظرون خبرك يسئلون بالجنود مثل المتهستر تعرف فلان ابن فلان ويكرون السؤال 100 الف مرة .. حتى يعرفون بمصيرك .

25. ينتظرون الجثث 150او 200 جثة ويبحثون عنك ويتمنون ان لم تكن واحد مهم وتجد اقارب او جيران او ابن مدينتك صدفة مستشهد واهلة ميدرون بي وانت تنقل الخبر الهم من ترجع لمدينتك . 

26.تجي سيارة وحدة وعليها تابوت وتتوقف امام مقر البلدية والأمن يسئلون عن عنوان والكل تتمنى ان هاي السيارة 🚚 ما تتوقف في بابهم . 

27.يجيبون جثة يسلموها لاهلك وانت اسير حرب وميعرفون بيك . 

28.تتأسر  وترجع انت بعد 15 سنة بالأسر وتلكي زوجتك تزوجت واحد ثاني لان انتظرتك 10 سنين ويأست من ان تأتي وطلبت ان #تطلق غيابيا .. 

29.تخلص الحرب برأسك تدخلها شاب وتطلع شايب وتسرح ماكو اي شغل او عمل .. 

30.تلتحق منا للمحرقة وبجيبك شهادت التخرج متعرف ترجع او لا وتشوف  المصريين يفترون بالاسواق ومفتحين محلات ووظائف والمفروض هي مكانك .

31.ثلاثون فقط واكتفي بذلك القدر ومن يقرأ الثلاثون ياترى!!!!!

ك♏م انت جميل ايها الزمن  .. 

الثمانينات التي حقق الخليج بها طفرة ونحن تراجعنا نصف قرن الى الوراء .. 

هل فاتني شيئ ؟  نعم فاتني الكثير الكثير جدا

ثلاثون نقطة من اصل مليون ثلاثون نقطة تشرح حالات كارثية في الثمانينات .. 

كم عانينا ونعاني وسنعاني من اجل المعاناة حتى يخرج جيل جديد يعاني ..

باﻷخير يطلع خاتل بحفرة ابن الزنيم👞

وحاليا أنصاره عملوا في دوائر الدولة باعلى المستويات تسللوا تحت عباءة الأحزاب الإسلامية والعلمانية 

ويحاربون ضحايا النظام السابق في أرزاقهم ووظائفهم   

كم انت جميل ياعصر الثمانينات

مع التحيات