#منقول
موضوعنا اليوم عن #الطابعات
السلام عليكم ورحمة الله وبركاته 🙂
اليوم احچيلكم شوي عن الطابعات لان اغلبكم يحتاج يطبع اما بحوث تخرج او رسائل ماجستير او حتى اذا واحد عنده مستمسكات وصور ويريد يحولها صور ورقية ويحتفظ بيها
________________________________________
اول شي الطابعات الموجود بالاسواق بيها انواع اكو طابعات احبارها سائلة (ink) واكو احبارها جافة ( يسموها ليزرية ) واكو نوع يسموه حراري
الاولى لازم استخدامها مستمر يعني ما تنترك فترة هواي من دون استخدام لان احبارها تجف على الكارترج او داخل النوزلات اذا كانت تحتوي احواض حبر اما النوعين الباقيات فما لازم الاستخدام المستمر _________________________________________
ثاني شي لازم نعرف شراح نطبع ملون او اسود وابيض
_________________________________________
ثالثا شنو استخدامها يعني اقصد نريدها بس طباعة ( بهالحالة لازم يتوفر حاسبة او موبايل اذا كانت تحوي wifi ؟؟ لو نحتاجها كجهاز استنساخ ( يعني من دون حاجة للحاسبة ) او مثلا نحتاجها ناخذ بيها سكنر
_________________________________________
رابعا اسعارهن واسعار احبارهن
بصورة عامة الطابعات الليزرية فالاسود رخيص والكاترج الواحد يطبع اكثر من 1000 ورقة مقارنة بالاحبار السائلة الي الكاترج مالتها ما يطبع اكثر من 200 صفحة ( بس مرات نكدر نحقن الكارترج حتى نستخدمه اكثر من مرة واكو طابعات ممكن نربطلها منظومة احبار خارجية )
_________________________________________
معلومات بسيطة عن الاختصارات الموجودة بالموديلات
مثلا 6030w الw ترمز للwireless يعني بيها وايرلس
او مثلا قبل الجهاز مكتوب LBP معناها بس طابعة يعني مو جهاز استنساخ
او MF يعني معناها متعدد الوظائف ( Multi-Function )
_________________________________________
هسه نجي لموديلات الطابعات المتوفرة بالاسواق العراقية
بغض النظر عن الماركات لان اغلبها ماركات معروفة وما حاجة ندور وراهم 🙂
الطابعات الليزية الاسود والابيض المتوفرة هي بالغالب كانون
مثلا 2900 قديمة بس تستخدم بكثرة بالدوائر سعرها تقريبا 120$
6020 او 6030 سعرها 80-85$ تطبع 18 ورقة بالدقيقة
سعر اغلب الكارترجات الاسود يتراوح من 8-12$ الكاترج الواحد يطبع بحدود1500 صفحة
_
اما الطابعات الملونة فقليلة متوفرة بالسوك لان اغلبيتها اجهزة استنساخ مو بس طابعات
_
هسه نجي لاجهزة الاستنساخ
الاسود وابيض متوفرة الكانون
مثى MF3010 سعرها 105$ تطبع 18 ورقة بالدقيقة
و MF211 سعرها 120$ تطبع 23 ورقة بالدقيقة
و MF212 سعرها 140 $ تطبع 23 ورقة بالدقيقة وبيها وايرلس
و MF216 سعرها 160$ تطبع 23 ورقة بالدقيقة وبيها فيدر
و MF217 سعرها 180$ تطبع 23 ورقة بالدقيقة وبيها فيدر وبيها وايرلس
اوكو غيرها من القديمات مثل 4410 4730 4010 وغيرهن
سعر كارترجاتهن من 8-12$ ويطبع بحدود 1500 صفحة
_
اما الالوان فموجود الhp pro200 والكانون 8230 سعرهن 250$ واكو 8280 و 6280 يجي بيهن وايرلس سعرهن بحدود 270$
اسعار كارترجاتهن بحدود 225$ الاصلي والتجاري 80-100$
الكارترج يطبع بحدود 1200-1800 صفحة والسرعة بحدود 12 ورقة بالدقيقة
_
اما اجهزة الاستنساخ الملونة السائلة
مثلا hp 2130 سعرها 34$ كاترجها سعره 29$
و hp 1515 سعرها 50$ كاترجها سعره 18$
الكانون 270 سعرها ب50$ كاترجها سعره ب30$
الbrother j100 سعرها 127$ كاترجها سعره 10$ ممكن نربطلها منظومة خارجية سعر المنظومة ب15$
واكو طابعات للصور حرارية مثلا الكانون سيلفي سعهرا 95$ والاوراق والاحبار يجي باكيت سعره 23$ بيه 108 ورقة وي الاحبار حجم الورقة 10×15 سم
_______
ملخص اذا تحتاج بس اسود وابيض وتريد جهاز استنساخ اخذ كانون 211
واذا تريد ملون وعندك طباعة هواي اخذ brother j100
#شارك_لمنشور_ليصل_للجميع
اشترك معنا @MydoctorA96
ليست هناك تعليقات:
إرسال تعليق